Аляксандр Зяленскі — украінскі навуковец, прафесар, мае 140 публікацый, сааўтар 4 манаграфій.
Бацька прэзідэнта Украіны Аляксандр Зяленскі, які з'яўляецца доктарам навук, значыцца ў спісах на прызначэнне пажыццёвай стыпендыі Кабінету міністраў Украіны, паведамляе «Украінская праўда».
Пажыццёвую стыпендыю атрымліваюць за «выдатныя заслугі ў сферы вышэйшай адукацыі». Усяго ў спісе, апублікаваным на сайце, каля 100 педагогаў.
Кандыдатаў на атрыманне пажыццёвай стыпендыі вылучаюць навучальныя ўстановы або мясцовыя органы ўлады. Затым накіроўваюць іх у Міністэрства адукацыі і навукі.
Што праўда, памер яе невялікі — 2 684 грыўні, што сёння складае 72 даляры.
Аляксандр Зяленскі ў 2005 годзе атрымаў вучонае званне прафесара кафедры інфарматыкі. Тэма яго доктарскай дысертацыі: «Метадалагічныя асновы маркшэйдарскага забеспячэння планавання і ўліку здабычы ў інфармацыйнай сістэме кіравання рудных кар'ерам».
Цяпер ён з'яўляецца загадчыкам кафедры інфарматыкі і інфармацыйных тэхналогій дзяржаўнага ўніверсітэта эканомікі і тэхналогій.
Ён таксама з'яўляецца сябрам спецыялізаванай Вучонай рады ў Нацыянальным горным універсітэце ў Дняпры і спецыялізаванай Вучонай рады ў Крыварожскім нацыянальным універсітэце.
Яшын: Лукашэнка абменьвае палітвязняў на дэталі для самалётаў «Белавія»2
Каментары