Alaksandr Zialenski — ukrainski navukoviec, prafiesar, maje 140 publikacyj, saaŭtar 4 manahrafij.
Baćka prezidenta Ukrainy Alaksandr Zialenski, jaki źjaŭlajecca doktaram navuk, značycca ŭ śpisach na pryznačeńnie pažyćciovaj stypiendyi Kabinietu ministraŭ Ukrainy, paviedamlaje «Ukrainskaja praŭda».
Pažyćciovuju stypiendyju atrymlivajuć za «vydatnyja zasłuhi ŭ śfiery vyšejšaj adukacyi». Usiaho ŭ śpisie, apublikavanym na sajcie, kala 100 piedahohaŭ.
Kandydataŭ na atrymańnie pažyćciovaj stypiendyi vyłučajuć navučalnyja ŭstanovy abo miascovyja orhany ŭłady. Zatym nakiroŭvajuć ich u Ministerstva adukacyi i navuki.
Što praŭda, pamier jaje nievialiki — 2 684 hryŭni, što siońnia składaje 72 dalary.
Alaksandr Zialenski ŭ 2005 hodzie atrymaŭ vučonaje zvańnie prafiesara kafiedry infarmatyki. Tema jaho doktarskaj dysiertacyi: «Mietadałahičnyja asnovy markšejdarskaha zabieśpiačeńnia płanavańnia i ŭliku zdabyčy ŭ infarmacyjnaj sistemie kiravańnia rudnych karjeram».
Ciapier jon źjaŭlajecca zahadčykam kafiedry infarmatyki i infarmacyjnych technałohij dziaržaŭnaha ŭniviersiteta ekanomiki i technałohij.
Jon taksama źjaŭlajecca siabram śpiecyjalizavanaj Vučonaj rady ŭ Nacyjanalnym hornym univiersitecie ŭ Dniapry i śpiecyjalizavanaj Vučonaj rady ŭ Kryvarožskim nacyjanalnym univiersitecie.
«Usie bačyli, što jamu padabajecca Nataša, i dumali: «Nu kali vy ŭžo?!» Były palitviazień Łukša raskazaŭ pra svaje adnosiny z Ejsmantami8
Kamientary