у выніку сутыкнення з якім у Воранаўскім раёне загінулі тры міліцыянеры.
У лідскай бальніцы 13 снежня памерла 37‑гадовая мясцовая жыхарка, вадзіцель аўтамабіля «БМВ», у выніку сутыкнення з якім 8 снежня загінулі тры супрацоўнікі Воранаўскага аддзела дэпартамента аховы МУС Беларусі.
Пра гэта паведамілі ва ўпраўленні ўнутраных спраў Гродзенскага аблвыканкама.
Паводле слоў суразмоўцы агенцтва, смерць наступіла ад атрыманых у аварыі траўмаў. Самая сур’ёзная з іх — удар сэрца. Пры гэтым жанчына практычна ўвесь час знаходзілася ў прытомнасці. Пасля ДТЗ яна была шпіталізавана ў бальніцу ў Воранаве, затым яе перавезлі ў Ліду.
Дарожная аварыя адбылася ў 19.30 блізу вёскі Бастуны.
Аўтамабіль «БМВ» выехаў на паласу сустрэчнага руху, дзе сутыкнуўся з «Аўдзі». У апошняй знаходзіліся пяць супрацоўнікаў Воранаўскага аддзела дэпартамента аховы МУС, якія ехалі на службу.
Два міліцыянеры загінулі на месцы, адзін памёр у бальніцы.
Два пацярпелыя міліцыянеры зараз знаходзяцца ў шпіталі МУС у Мінску.
Паводле факта ДТЗ расследуецца справа на падставе ч. 3 арт. 317 Крымінальнага кодэкса (парушэнне правілаў дарожнага руху, якое пацягнула па неасцярожнасці смерць дзвюх і больш асоб).
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?7
Каментары