Зняць банер з трыкалорам у Сеуле расіяне адмовіліся.
У Сеуле на будынку амбасады РФ у Паўднёвай Карэі напярэдадні чацвёртай гадавіны ўварвання Расіі ва Украіну з'явіўся банер на рускай мове «Победа будет за нами», паведамляе «Украінская праўда».
Банер даўжынёй прыкладна 15 метраў на фоне расійскага трыкалора з'явіўся на будынку амбасады раніцай 21 лютага.
Як адзначае выданне Chosun, у дыпламатычных колах Сеула ўзмацняецца крытыка, што «размяшчэнне надпісу, які абвяшчае перамогу ў вайне-ўварванні ў сэрцы іншай краіны, з'яўляецца значным адхіленнем ад дыпламатычных канвенцый».
Вядома, што дыпламатычныя прадстаўнікі ў Паўднёвай Карэі, уключаючы прадстаўнікоў еўрапейскіх краін, выказалі занепакоенасць адносна гэтага банера Міністэрству замежных спраў.
Акрамя таго, 11 лютага амбасадар Расіі ў Паўднёвай Карэі Георгій Зіноўеў заявіў на прэс-канферэнцыі з паўднёвакарэйскімі журналістамі ў амбасадзе: «Расія не забывае пра тое, наколькі вялікі ўклад унеслі паўночнакарэйскія войскі ў вызваленне паўднёвай часткі Курскай вобласці ад украінскіх войскаў і заходніх наймітаў», дадаўшы: «Мы не забудзем веліч паўночнакарэйскіх войскаў».
Урад Паўднёвай Карэі папярэдзіў, што банер і выказванні амбасадара былі «відавочна празмернымі».
Міністэрства замежных спраў адзначыла, што размяшчэнне такіх надпісаў на будынку амбасады можа справакаваць паўднёвакарэйскую грамадскасць і нашкодзіць адносінам паміж Паўднёвай Карэяй і Расіяй. Улічваючы тое, што амбасада Украіны таксама размешчана ў Сеуле, існуюць асцярогі адносна стварэння непатрэбнай дыпламатычнай напружанасці.
Міністэрства патрабавала зняць банер, але расійская амбасада адмовілася. Паўднёвакарэйскі ўрад не можа зняць яго сілай праз Венскую канвенцыю, якая прадугледжвае недатыкальнасць дыпламатычных місій.
Выданне адзначае, што 24 лютага мінулага года, у трэцюю гадавіну ўварвання, Расія правяла мітынг у падтрымку вайны супраць Украіны з вялікім нацыянальным сцягам у Сеуле. Вядома, што расійская амбасада ў Паўднёвай Карэі плануе правесці падобны мітынг і ў чацвёртую гадавіну ўварвання.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся32
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Карикатурно смотрится этот лозунг на власовском флаге.
Впрочем,как и все,чего касаются немытые руки.