Спартыўны каментатар на Алімпіядзе трапіў у скандал з-за выказвання пра фігурыстку
«Спадары, на жаль, яна ўжо замужам».
Спартыўнага каментатара з Германіі абвінавацілі ў сэксізме. Фігурыстка Анастасія Губанава, якая прадстаўляе на Алімпіядзе-2026 Грузію, атрымала за кароткую праграму рэкордныя для сябе 71,77 бала. Аднак спартыўны каментатар ARD Даніэль Вайс перш за ўсё адзначыў не яе дасягненне. «Спадары, на жаль, яна ўжо замужам», — сказаў ён падчас прамога эфіру, піша DW.
У сацсетках на Вайса тут жа абрынулася крытыка — у тым ліку і ад папулярных блогераў. «Калі вы спартыўныя каментатары, то каментуйце спорт», — заявіла на сваёй старонцы ў Instagram прадпрымальніца Кардэлія Рэдэрс-Арнольд. На яе думку, Вайс ператварыў Губанаву з суб'екта ў аб'ект. «Што я бачу? Спартсменку, высокі рэзультат, гонар, сілу, лёгкасць. Што бачыць каментатар? Ідэальную жонку».
Пост Кардэліі набраў 200 тысяч лайкаў.
Пазней Даніэль Вайс папрасіў прабачэння і адзначыў, што акрэсліў спартыўныя дасягненні Губанавай, аднак яму было важна «каментаваць не толькі сам спорт». «Мой стыль — паказваць і чалавека», — дадаў ён.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары