Супраць былога палітвязня Віталя Жука, які з'ехаў з Беларусі, распачалі новую крымінальную справу
Мужчына цалкам адбыў тэрмін і 17 снежня 2022 года выйшаў на волю з бабруйскай калоніі. Ён пакінуў Беларусь і цяпер жыве ў Італіі.
Днямі стала вядома пра новую крымінальную справу ў дачыненні да Віталя — за «садзейнічанне экстрэмісцкай дзейнасці».
«Асноўнай прычынай, чаму я вырашыў пакінуць Беларусь пасля вызвалення, стала тое, што пры пастаноўцы на ўлік першы намеснік начальніка Кобрынскага РАУСа Аляксандр Касяк пагражаў мне, што гэтым разам мяне пасадзяць разам з маёй жонкай.
Калі мы з сям'ёй былі ўжо ў Італіі, дзесьці ў сакавіку сваякі паведамлялі мне, што да іх пачалі наведвацца сілавікі. Адразу яны казалі, што ў адносінах да мяне будуць заведзеныя крымінальныя справы, і заўсёды акцэнтавалі ўвагу на тым, што ў мяне забяруць кватэру, якую нам дала дзяржава, як шматдзетнай сям'і, і ўсю маёмасць у ёй», — распавёў Віталь.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары