Аргенцінец захацеў зварыць каву на вогнішчы. Атрымаўся пажар фантастычных памераў, эвакуююць цэлымі сем'ямі
Дзясяткі сем'яў былі эвакуяваныя ў горадзе Сан-Антоніа-дэ-Арэдонда з-за вялікага пажару, які яшчэ больш павялічваецца праз гарачае надвор'е.
Пажар пачаўся аб 11-й гадзіне раніцы ў панядзелак.
Адзін чалавек сказаў, што развёў вогнішча, каб выпіць кавы. Затым агонь выйшаў з-пад кантролю. Мужчына, які ўчыніў пажар, быў затрыманы паліцыяй, гэта 27-гадовы Уліс Педра Ксаратэ, піша С5n.com.
«Працягваецца некантралюемы пажар. Суседзі выбягаюць на вуліцу з тым, што ў іх у руках. Пажарныя робяць усё магчымае, аддаюць усе свае сілы. Гэта густанаселены раён», — паведамілі ў паліцыі.
Неспрыяльныя ўмовы надвор'я перашкаджаюць вырашэнню сітуацыі. «Два месяцы таму была засуха. Пастаянна бываюць парывы ветру, у нас 37 градусаў. Яны бягуць да суседзяў. Сем'і не хочуць пакідаць свае дамы. Паліцыя ў роспачы выводзіць людзей. Вецер робіць тое, што хоча», — адзначыў паліцэйскі.
Прылятае верталёт і выкарыстоўвае ўсё, што можа, з вады. Таксама бесперапынна працуюць тры самалёты-гідранты і два верталёты.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары