РПЦ узнагародзіла высланых з Балгарыі святароў, у тым ліку беларуса Павельчука
Руская праваслаўная царква вызначылася, што рабіць з высланымі з Балгарыі святарамі. Іх узнагародзілі і знайшлі ім месца.
Грамадзянін Беларусі протаіерэй Яўген Павяльчук вызвалены ад пасады сакратара падворка РПЦ у Сафіі і накіраваны ў распараджэнне мітрапаліта Мінскага і Заслаўскага Веньяміна. Яму таксама вынесена падзяку «за понесенные труды». Рашэнне было прынята 11 кастрычніка на пасяджэнні Свяшчэннага сінода РПЦ, паведамляе сайт Маскоўскага патрыярхата, заўважыў reform.by.
Расіянін архімандрыт Васіян (Мікалай Змееў) вызвалены ад пасады настаяцеля падворка ў Сафіі і прызначаны начальнікам Рускай духоўнай місіі ў Іерусаліме. Яму таксама вынеслі падзяку.
Акрамя гэтага, Сінод РПЦ выказаў «катэгарычны пратэст у сувязі з грубымі і дыскрымінацыйнымі дзеяннямі балгарскіх уладаў», якія выслалі з Балгарыі Павельчука, Змеева і яшчэ аднаго грамадзяніна Беларусі Уладзіміра Банько.
21 верасня святароў дэпартавалі з Балгарыі на загад кіраўніка Дзяржагенцтва нацыянальнай бяспекі. Іх пазбавілі права на ўезд і пражыванне ў Балгарыі на 5 гадоў.
Спецслужбы Балгарыі патлумачыў рашэнне тым, што святары вялі дзейнасць, накіраваную супраць нацыянальнай бяспекі Балгарыі.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда33
Каментары