На Падляшшы знайшлі вялікі архіў здымкаў мясцовых беларусаў стагадовай даўніны
У прыватных дамах падляшскіх мястэчак Гайнаўка і Кляшчэлі, у якіх жыве шмат мясцовых аўтахтонных беларусаў, знайшлі шматлікія архіўныя фотаздымкі жыхароў Падляшша — палякаў, беларусаў і яўрэяў. Больш за 13 тысяч здымкаў польска-беларускага памежжа змешчана на Albom.pl, піша Mostmedia.io.
Па інфармацыі выдання Kurier Poranny, даследчыкі высветлілі, што вялікую колькасць здымкаў зрабіў Чэслаў Каміньскі, сям’я якога паходзіла з Мінска. Бацька Чэслава працаваў у Беларусі на паравой фабрыцы, а пазней быў касірам Цывільнай управы ўсходніх земляў. У той жа час сам Чэслаў навучаўся ў Мінскай гімназіі, але не без перашкодаў — вучоба давалася яму складана. Хлопец заваліў экзамены па польскай і нямецкай мовах, не адолеў і геаграфіі. Бацьку давялося пісаць ліст дырэктару гімназіі з просьбай не адлічваць Чэслава.
Калі ў 1924 годзе сям’я пераехала ў Гайнаўку, Чэслаў зноў не вытрымаў экзаменаў ужо ў польскай школе (на той момант юнаку было ўжо 20 гадоў) — прыйшлося ісці ў армію. Праз 8 гадоў малады чалавек трагічна загінуў. Але пасля сябе пакінуў шмат каштоўных для беларуска-польскага памежжа дакументаў: негатывы з Гайнаўкі, сямейныя фотаздымкі, а таксама здымкі чыгункі ў Белавежы. Захаваліся таксама працоўныя дзённікі, лісты і рукапісныя нататкі.
Архіў не быў страчаны дзякуючы сям’і Петрачуковых — Пятро і Ганна набылі драўляны даваенны дом на вуліцы Варшаўскай у Гайнаўцы. Падчас рамонту яны знайшлі старыя негатывы і дакументы Чэслава.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў5
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары