«Яна выглядае кепска і кажа, што можа не дацягнуць да вызвалення». Родныя змаглі сустрэцца з Палінай Шарэндай-Панасюк
Падчас спаткання Паліна сказала, што адміністрацыя гомельскага СІЗА не дазволіла ёй паслаць да маці ліст са спісам лекаў, дазволеных доктарам.
«Такая папера выдаецца, спіс лекаў, якія дазволена перадаць. Яна некалькі разоў спрабавала даслаць гэты спіс, але ліст не прапускалі. І некалькі тыдняў таму Паліна сама паспрабавала спіс для дазволу даслаць маці лістом. І зрабілі так, што пры ёй гэты ліст проста парэзалі, нібыта там была інфармацыя, якую недазволена было перадаваць.
Як сказалі родныя, Паліна выглядае кепска. У яе вялікія праблемы са здароўем. Яны справакаваныя бесчалавечнымі ўмовамі месцаў яе зняволення, асабліва ў рэчыцкім ІЧУ і рэчыцкай калоніі, дзе на яе ўвесь час ціснуць, зневажаючы яе чалавечую годнасць. Паліна перасцерагаецца, што можа не дацягнуць да вызвалення, таму просіць дэмакратычных лідараў, міжнародную грамадскасць зрабіць усё магчымае для яе вызвалення»,
— расказаў радыё «Рацыя» апошнія звесткі пра жонку яе муж Андрэй Шарэнда.
Брэсцкую актывістку Паліну Шарэнду-Панасюк затрымалі 3 студзеня 2021 года і асудзілі на два з паловай гады калоніі. Але летам 2022 года на волю яна не выйшла. Спачатку ёй далі год па артыкуле 411 (злоснае непадпарадкаванне патрабаванням адміністрацыі калоніі). Сёлета жанчыну зноў не вызвалілі, а далі яшчэ год па тым жа артыкуле.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары