Украіна за час поўнамаштабнага ўварвання «панесла велізарныя страты: толькі за час контрнаступу Кіеў страціў звыш 90 тысяч вайскоўцаў забітымі і параненымі». Пра гэта заявіў міністр абароны Расіі Сяргей Шайгу на Сяншанскім форуме ў Пекіне, піша «Спутнік».
Сяргей Шайгу. Фота: Sergey Fadeichev / Sputnik, Kremlin Pool Photo via AP
Паводле яго слоў, з 4 чэрвеня УСУ таксама страцілі каля 600 танкаў і амаль 1 900 бронемашын рознага класа.
«Пры гэтым на полі бою не было дасягнута ніякіх тактычна значных поспехаў», — удакладніў Шайгу.
Расійскі міністр адзначыў, што расійскія войскі «метадычна выконваюць задачы, пастаўленыя ў спецаперацыі, і забяспечваюць бяспеку мірных жыхароў».
Украінцы пра свае страты не кажуць.
Каментары