У парку «Сула» адмянілі экскурсію па матывах «Дзікага палявання караля Стаха». За дзень да прэм'еры
У парку інтэрактыўнай гісторыі «Вялікае княства Сула» на 4-6 лістапада была анансавана прэм'ера інтэрактыўнай тэатралізаванай экскурсіі па творы Уладзіміра Караткевіча «Дзікае паляванне караля Стаха». Аднак нечакана яе адмянілі. «З прычын, якія ад нас не залежаць».
Інфармацыя аб адмене мерапрыемства з'явілася ў інстаграм-акаўнце парка за дзень да прэм'еры.
Людзі, якія хацелі трапіць на мерапрыемства, удакладнілі ў арганізатараў, ці не звязана адмена з нізкім попытам, на што ў парку адказалі: попыт на экскурсію, наадварот, быў вялікі.
Чытачу паведамілі ў парку, што спадзяюцца, імпрэза ўсё ж адбудзецца, але дакладна не ў гэтыя выходныя. Назваць новыя даты не бяруцца, раяць сачыць за анонсамі.
Раней панскі маёнтак трапляў пад крытыку прапагандыстаў. У ліпені «Вялікае княства Сула» наведваў Рыгор Азаронак разам з кіраўніком праўладнай партыі «Белая Русь» Алегам Раманавым. Тады іх увагу прыцягнула анансаванае свята пад назвай «Годнасць і незалежнасць. Як шляхта бараніла Беларусь».
Тады прапагандысты сцвярджалі, што мерапрыемства не адпавядае «ні канцэпцыі гістарычнай палітыкі нашай краіны, якая ўжо зацверджаная», ні пасылам Лукашэнкі «адносна гэтай шляхты, Радзівілаў, Сапегаў, Манюшак ды іншых дзеячаў».
Праз два тыдні па гістарычным парку «прайшліся» і ў «Мінскай праўдзе». Прапагандыстку Дыяну Шыбкоўскую абурыла, напрыклад, каралеўская зала, названая ў гонар караля і вялікага князя літоўскага Стэфана Баторыя, які трыумфальна перамог расійскага тырана Івана Жахлівага ў Лівонскай вайне.
Чытайце таксама:
Актывісты даведаліся, хто і калі знёс памятны знак у гонар паўстання 1863 года ў Гродне
Пасля даносаў прарасійскіх актывістаў папулярнаму сярод падлеткаў блогеру Дзім Дзімычу забаранілі выступаць у школах
«Хтосьці за ёй стаіць». Чаму чыноўнікі слухаюцца Бондараву
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы22
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары