Параўналі цэны на аўтазапчасткі ў Беларусі, Польшчы і Літве. Розніца ўражвае
Паглядзелі, колькі каштуюць аналагічныя запчасткі ў Беларусі і дзвюх суседніх краінах ЕС, куды беларусы часцяком ездзяць на закупы.
Цэны на рэмень ГРМ у Беларусі, Літве і Польшчы
Для прыкладу, возьмем папулярны ў Беларусі аўтамабіль Renault Grand Scenic з 1.5 dci пад капотам, які апроч «Сцэніка», ставіўся і на шэраг іншых мадэлей канцэрна.
Камплект рэменя ГРМ з помпай фірмы DAYCO у Беларусі каштуе 557 рублёў, што каля 160 еўра.
У Літве аналагічны камплект можна набыць за 86 еўра, а ў Польшчы за 350 злотых — гэта каля 80 еўра.
Цэны на камплект счаплення ў Беларусі, Літве і Польшчы
Камплект счаплення SACHS у нас прадаецца за 485 рублёў (каля 145 еўра). У Літве яго можна знайсці за 75 еўра, а ў Польшчы за 310 злотых, што каля 70 еўра.
Цэны на рычаг падвескі ў Беларусі, Літве і Польшчы
Рычаг падвескі Febi Bilstein на Renault Grand Scenic 4 у нас прадаецца за 480 рублёў, ці каля 140 еўра. У Польшчы 305 злотых (каля 70 еўра), а ў Літве аналагічная запчастка каштуе 80 еўра.
Цэны на стойку амартызатара ў Беларусі, Літве і Польшчы
Стойка амартызатара MONROE на гэты аўтамабіль у беларускіх інтэрнэт-крамах прадаецца за 305 рублёў, што каля 90 еўра.
У Польшчы гэтую дэталь можна набыць за 200 злотых (45 еўра), у Літве такі амартызатар таксама каштуе 45 еўра.
Выглядае, што беларускіх аўтааматараў, ад таго, каб не збанкрутаваць на абслугоўванні аўто, ратуе толькі наяўнасць запчастак кітайскай вытворчасці, бо яны нашмат таннейшыя за тыя, што вырабляюць сусветныя брэнды.
Цэны на маторныя алівы ў Беларусі, Літве і Польшчы
Motul 8100 X-clean+ 5W-30 5л у Мінску прадаецца за 215 рублёў (каля 63 еўра), у Польшчы — па 190 злотых (каля 43 еўра). У Літве гэтая аліва таксама прадаецца па 43 еўра за 5 літраў.
Shell Helix Ultra 5W-40 4 л у нас каштуе ад 125 рублёў, у суседніх краінах ЕС — 28 еўра, а падчас акцыі ў адной з літоўскіх крам, яго можна набыць па 24 еўра за 4 літры.
Пяць літраў Elf Evolution Full-Tech FE 5W-30 у нас каштуе 164 рублі (каля 48 еўра), а ў суседніх Польшчы і Літве на 10 еўра танней — па 38 еўра за 5 літраў.
Істотная розніца ў цэнах на аналагічныя аўтамабільныя тавары ў Беларусі і дзвюх суседніх краінах ЕС зрабілі папулярным шэры імпарт. Прадпрымальныя грамадзяне з дапамогай адмысловых чатаў у Telegram перапраўляюць запчасткі з Еўропы ў Беларусь.
Усе яны ўвозяцца пад выглядам тавараў для асабістага карыстання. Пасля іх рэалізуюць праз рынкі, маркетплэйсы, разнастайныя барахолкі і чаты ў Viber і Telegram. Пра анлайн-гіпермаркет у тэлеграме «Наша Ніва» пісала раней.
Чытайце таксама:
Параўналі цэны на новыя зімовыя шыны ў Беларусі, Польшчы і Літве. Вынік нечаканы
Самыя папулярныя аўто з ЗША, якія любяць беларусы
«Аўтабізнэс» скончыўся. Што за выданне гэта было
Цяпер чытаюць
Каго з бізнэсменаў Лукашэнка паклікаў да сябе на нараду? Была і заснавальніца Wildberries1
Каментары
Можете сравнить цены на бытовую технику, ручной электро-инструмент, сантехнику, сложную электронику, стройматериалы, только сравнивайте на фирменный инструмент и материалы европейских производителей, если найдёте в Беларуси, а не с поделками китай-сарая, которыми завалены полки белорусских магазинов. Разбежка в разы.
Но, белорусы платят за китайский нонейм, китай-сарай, как европейцы за фирменные рродукты изготовленные в Европе, и как дети радуются своей нищете в пропаганде лукашенки.