Аўтарскі варыянт самай знакамітай карціны Шагала прадалі за 15,6 мільёна даляраў
На аўкцыёне Sotheby's Modern Evening Auction, які адбыўся 13 лістапада ў Нью-Ёрку, прадалі варыянт карціны Марка Шагала «Над горадам» (1914-1918), які ён напісаў у 1924 годзе.
Палатно з прыватнай японскай калекцыі, назва якога на французскай гучыць як Au-dessus de la ville, разлічвалі рэалізаваць за суму ў дыяпазоне ад 12 да 18 мільёнаў даляраў.
За працу мастака з Віцебска дастаткова доўга змагаліся два патэнцыйныя пакупнікі, з якімі іх прадстаўнікі ў зале кансультаваліся напрацягу таргоў па тэлефоне.
У выніку аўкцыяніст ударыў малатком і абвясціў аб продажы шэдэўра за 13,3 млн даляраў. Улічваючы ўсе дадатковыя плацяжы, гэта выявілася ў выніковай суме 15 616 200 даляраў, піша сайт «Беларусь і свет».
Арыгінал самай знакамітай карціны Марка Шагала «Над горадам», напісаны ў 1918 годзе, знаходзіцца ў Траццякоўскай галерэі ў Маскве. Яго памер 194 на 141 см. Яна ацэньваецца ў 160 мільёнаў даляраў. Пасля Шагал зрабіў аўтарскую копію ў 1924 годзе, памер якой 91 на 67 см і які адрозніваецца ад арыгіналу.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары