ХАМАС адклаў вызваленне палонных, пакуль Ізраіль не выканае пагадненне са свайго боку
Вайсковае крыло арганізацыі патрабуе ад ізраільскіх уладаў вызваліць палонных і даставіць гуманітарную дапамогу на поўнач Газы. СМІ сцвярджаюць, што Ізраіль адновіць атакі на Газу, калі ХАМАС не вызваліць палонных да поўначы.
Прычынай, чаму ХАМАС адклаў сённяшняе вызваленне Ізраільскіх захопленых, называецца «недастатковая» пастаўка ў сектар Газа гуманітарнай дапамогі. Паводле інфармацыі ХАМАСа, з 24 лістапада ў сектар заехала ўсяго 340 грузавікоў, што складае менш за палову ўзгодненай з Ізраілем колькасці.
24 лістапада ў сектары Газа пачалася гуманітарная паўза. Згодна з пагадненнем паміж Ізраілем і ХАМАС, апошні бярэ на сябе абавязак вызваліць 50 чалавек у абмен на 150 палесцінскіх зняволеных.
Аднак сёння ўвечары ХАМАС заявіў аб рашэнні адкласці запланаванае вызваленне другой групы ізраільскіх палонных.
У Тэль-Авіве тысячы людзей выйшлі на вуліцы патрабаваць вызвалення ўсіх закладнікаў з палону ХАМАС.
«Наша Нiва» — бастыён беларушчыны
ПАДТРЫМАЦЬ
Каментары