Прыкладна трэцяя частка Рагачова 30 лістапада з ранку да вечара заставалася без ацяплення і гарачага водазабеспячэння, даведаўся «Флагшток».
Камунальнікі паведамілі пра пачатак рамонтных работ з 10:00 30 лістапада, пры гэтым час завяршэння іх не называлі.
Да вечара ў кватэрах стала даволі холадна, і жыхары адключаных дамоў сталі цікавіцца ў вайбер-чаце Рагачоўскага райвыканкама, калі будзе адноўлена цеплазабеспячэнне.
«Мерзнем, калі з'явяцца гэтыя сацыяльныя выгоды, ніхто не кажа. Адключаны ўвесь цэнтр горада. Увесь дзень сядзім без ацяплення і гарачай вады. Такога сярод зімы ў нас яшчэ ніколі не было. Кажуць, ацяпленне выключылася сёння праз аварыю. Да гэтага таксама былі аварыі, але драбнейшыя. Апакаліпсіс у нас быў у чацвер, калі адна палова горада сядзела без святла, а другая — без вады. Сёння нешта новае», — пракаментаваў жыхар Рагачова сітуацыю, якая склалася.
Толькі ў 22:00 камунальнікі нарэшце адсправаздачыліся аб завяршэнні зварачных работ.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары