Прынц Канстанцін быў прадпрымальнікам і фінансістам, але толькі сёмым у чарзе на трон.
«Яго высокасць прынц Канстанцін фон унд цу Ліхтэнштэйн раптоўна памёр 5 снежня 2023 года», — гаворыцца ў публікацыі прэс-службы княскай сям'і Ліхтэнштэйна. Ён быў малодшым сынам кіроўнага князя Ліхтэнштэйна Ханса-Адама II.
Князь Канстанцін нарадзіўся ў 1972 годзе ў Санкт-Галене ў сям'і будучага князя Ханса-Адама II і яго жонкі Марыі. У яго былі два старэйшыя браты: князі Алаіз (нар. 1968) і Максіміліян (нар. 1969), – і малодшая сястра, княгіня Таццяна (нар. 1973).
Канстанцін працаваў у Raiffeisen Private Equity Management, а затым у амерыканскім інвестыцыйным банку Brown Brothers Harriman & Co. Затым ён перайшоў працаваць у Grünwald Equity Beteiligungs-GmbH, дзе стаў кіроўным партнёрам, у якасці якога быў да 2011 года.
У 2012 годзе прынц Канстанцін узначаліў сямейны Фонд прынца Ліхтэнштэйна ў якасці генеральнага дырэктара. З 2020 да 2023 года ўзначальваў Liechtenstein Group.
З 1999 да 2023 года быў жанаты з графіняй Марыяй Габрыэлай Францішкай Келнакі дэ Караспатак, з каралеўскага дома Венгрыі і Трансільваніі. У пары — трое дзяцей.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла33
Каментары