Фабрыка «Віцебскія дываны» адкрыла залу гісторыі прадпрыемства. Паглядзелі, што там ёсць.
У зале гісторыі выстаўлены дываны і архіўныя дакументы, звязаныя з гісторыей прадпрыемства. Разыначкай экспазіцыі стаў аблічбаваны архіў падзячных кніг і фота знакамітых гасцей: Якуба Коласа, Юрыя Гагарына і Пятра Клімука.
Наведвальнікі выставачнай залы змогуць даведацца, як ткаліся дываны ў розны час і якія вырабы карысталіся асаблівай папулярнасцю ў савецкіх грамадзян.
Пакуль наведаць экспазіцыю можна толькі ў межах экскурсіі па прадпрыемстве.
Завод «Віцебскія дываны» заснаваны ў 1947 годзе на базе льнопрадзільнай фабрыкі «Дзвіна», якая ў сваю чаргу была пабудавана ў 1900 годзе бельгійскімі акцыянерамі. Статус адкрытага акцыянернага таварыства прадпрыемства атрымала ў 1994 годзе падчас рэарганізацыі.
Каментары