Мінсельгасхарч расказаў пра ўраджай 2023 года. Крыху больш, чым у Літве, якая ў тры разы меншая па тэрыторыі
Улады вінавацяць у зніжэнні ўраджаю экстрэмальныя ўмовы надвор'я.
У Міністэрстве сельскай гаспадаркі і харчавання расказалі пра вынікі ўборачных работ.
Так, у раслінаводстве за студзень — лістапад 2023 года намалочана збожжа (уключаючы кукурузу) — 7574,7 тысяч тон. Гэта на 9,3 працэнта менш, чым летась.
Зніжэнне ўраджайнасці тлумачаць умовамі надвор'я. «Экстрэмальныя пагодна-кліматычныя ўмовы, якія склаліся ў бягучым годзе, у прыватнасці павышанае выпадзенне ападкаў (больш за 300 працэнтаў да нормы) і паніжаныя тэмпературы паветра і глебы ў вясновы перыяд, а таксама працяглая адсутнасць ападкаў у маі — чэрвені, адбіліся на ўраджайнасці шэрага сельскагаспадарчых культур», — растлумачылі ў міністэрстве.
Для параўнання, ураджай у Літве, чыя плошча ў 3 разы меншая за Беларусь, склаў каля 7 мільёнаў тон.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ10
Каментары