Што вядома пра затрыманых маці і бабулю, якім сілавікі пагражаюць Новым годам на Акрэсціна
Жанчынам закідаюць удзел у пратэстах у 2020-м і тое, што яны бралі з сабой дзіця на жаночыя маршы.
Затрыманых клічуць Юлія і Тамара Каралёвы. Вядома, што ў Юліі ёсць 4-гадовы сын. Разам з мужам Алесем Місуна яна займаецца лёгкай атлетыкай і рэгулярна бегае паўмарафоны.
Алесь — адзін з самых паспяховых маладых прадпрымальнікаў Беларусі. Ён сузаснавальнік digital-агенцтва Qmedia.
Тамара і Юлія маюць уласны бізнэс — фірму «Каралёў трэйд», якая існуе больш за 15 гадоў. Кампанія прадае паслугі і тавары ў сферы «прыгажосці, спа і вэлнэс». Акрамя касметыкі, гэта яшчэ і апараты для стварэння спа-зонаў і салонаў прыгажосці, а таксама паслугі па афармленню салонаў пад ключ.
Тамара — дырэктарка Асацыяцыі прыкладной эстэтыкі і спа Беларусі, а Юлія — ейная намесніца ў гэтай арганізацыі. Асацыяцыя распрацоўвае дзяржаўныя стандарты па спа-паслугах.
Іх затрымалі праз фота з жаночых маршаў. Але на ўсіх прадэманстраваных выявах жанчыны стаяць на пешаходных сцежках.
Таксама Юлія брала з сабой на адзін з пратэстаў дзіця, што ім таксама закідаюць губазікаўцы. Сілавікі пагражаюць, што яны правядуць «навагоднія святы на Акрэсціна». Сітуацыя незразумелая, бо жанчыне з непаўналетнім дзіцём не могуць прысудзіць суткі, максімальнае пакаранне ў яе выпадку — штраф.
«Наша Нiва» — бастыён беларушчыны
ПАДТРЫМАЦЬЦяпер чытаюць
Хто той замежнік, які забіў жонку і згвалтаваў падчарыцу ў Добрушы7
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары