Свет22

Да перадвыбарчай кампаніі Байдэна падключыцца экс-дзяржсакратар ЗША

Джон Кэры абвясціў пра гэта сваім супрацоўнікам у суботу.

Джон Кэры. Фота: Rafiq Maqbool / AP

80-гадовы былы дзяржсакратар Джон Кэры хутка сыдзе з пасады спецпасланніка ЗША па клімаце і падключыцца да перадвыбарнай кампаніі паплечніка па Дэмакратычнай партыі, 81-гадовага прэзідэнта Джо Байдэна, піша Бі-бі-сі.

Кэры абвясціў пра гэта сваім супрацоўнікам у суботу. Ён праслужыў спецпрадстаўніком па клімаце тры гады.

Прэзідэнцкія выбары ў ЗША пройдуць у лістападзе гэтага года.

У 2004 годзе сенатар Кэры прайграў прэзідэнцкія выбары Джорджу Бушу, які тады пераабраўся на другі тэрмін, апярэдзіўшы Кэры ўсяго на 2,4% галасоў.

Пазней, у 2013-2017 гг, ён быў дзяржсакратаром пры прэзідэнце Бараку Абаме.

Праблемай змены клімату ён пачаў займацца яшчэ тады: пры ім, у 2015 годзе, было падпісана Парыжскае пагадненне, у якім амаль усе краіны свету ўпершыню абавязаліся сумесна скарачаць выкіды парніковых газаў.

На цяперашняй пасадзе Кэры, у прыватнасці, удзельнічаў у падрыхтоўцы і правядзенні нядаўняга кліматычнага саміту COP28 у Дубаі, на якім краіны свету дамовіліся аб стратэгіі паступовай адмовы ад выкапнёвага паліва.

Джон Кэры, нягледзячы на спрэчкі паміж Вашынгтонам і Пекінам, цалкам паспяхова супрацоўнічаў з кітайскім калегам Се Чжэньхуа. ЗША і Кітай — найбуйнейшыя ў свеце эмітэнты парніковых газаў.

«Кліматычны крызіс — гэта пагроза для ўсяго чалавецтва, і мы ўсе павінны дзейнічаць як мага больш імкліва», — сказаў Кэры, выступаючы летась у Пекіне.

Адміністрацыя Джо Байдэна абяцае, што да 2030 года ЗША скароцяць выкіды да паловы ад узроўню 2005 года. Два гады таму Байдэн правёў праз Кангрэс закон аб асігнаваннях на развіццё «зялёнай» энэргетыкі сумай 369 млрд даляраў.

Каментары2

  • Янка
    15.01.2024
    Лепшы сябар Лаўрова і Артэгі? Дзейнасць Керы на пасадзе дзяржаўнага сакратара ЗША супала з пачаткам расейскай агрэсіі супраць Ўкраіны ў 2014. Салодкая парачка Керы-Абама па сутнасці зрабіла ўсё, каб наступствы анэксіі Крыма і развязвання вайны на Данбасе адбыліся для пуціна касметычнымі і стварыла глебу для далейшых войн - у Сірыі і ва Ўкраіне ў 2022
  • ахто.там.вперде
    15.01.2024
    так этa ж наш чалавэк в америке! 

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае7

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць