Вялікі скандал вакол ААН: супрацоўнікі арганізацыі ўдзельнічалі ў нападзе ХАМАС на Ізраіль
Ізраіль устанавіў дачыненне як мінімум 12 супрацоўнікаў агенцтва ААН па справах палестынскіх бежанцаў (UNRWA) у нападзе на Ізраіль 7 кастрычніка разам з баевікамі ХАМАС. Гэты факт выклікаў імгненную і жорсткую рэакцыю многіх краін Захаду, якая не абмежавалася словамі.
Блізкаўсходняе агенцтва ААН для дапамогі палестынскім бежанцам і арганізацыі работ (UNRWA, ці БАДАР) аказалася датычным да масавага нападу баевікоў ХАМАС на Ізраіль у кастрычніку мінулага года, падчас якога былі забітыя амаль 1300 ізраільцян, уключаючы жанчын, дзяцей і старых, а некалькі сотняў было выкрадзена ў палон.
Да падобных высноваў прыйшло афіцыйнае расследаванне ў Ізраілі, якое ўсё яшчэ працягваецца, перадае агенцтва Бі-Бі-Сі.
На гэты момант Ізраілем было ўстаноўлена дачыненне да нападу як мінімум 12 супрацоўнікаў БАДАР, «у доме аднаго з якіх сілком утрымлівалася палонная ізраільцянка, якая потым была адпушчана».
Акрамя гэтага, ізраільская разведка ўстанавіла, што «прафсаюз БАДАР кантралюецца баевікамі ХАМАС, а самі супрацоўнікі агенцтва ААН бралі ўдзел у святкаваннях з нагоды забойстваў ізраільцян».
Выстаўленыя абвінавачванні прывялі да імгненнай рэакцыі цэлага шэрагу краін Захаду, якія адразу ж спынілі фінансаванне БАДАР, што можа прывесці да калапсу арганізацыі.
Як піша Бі-бі-сі, на гэты момант фінансаванне спынілі ЗША, Канада, Вялікабрытанія, Швейцарыя, Францыя, Германія, Італія, Фінляндыя, Нідэрланды, Японія і Аўстралія, якія з'яўляюцца асноўнымі фундатарамі БАДАР.
Генеральны сакратар ААН Антоніу Гутэрыш у сваю чаргу заявіў, што ён «у жаху ад пачутага».
У адказ на выстаўленыя абвінавачванні кіраўніцтва БАДАР адразу абвясціла, што разрывае кантракты з супрацоўнікамі, якія ўдзельнічалі ў нападзе. Пры гэтым яно адзначыла, што «шакавана масавым прыпыненнем фінансавання ўсёй арганізацыі толькі з-за дзеянняў некаторых яе чальцоў».
На думку БАДАР, яе фінансавы байкот можна прывесці да непапраўных ахвяр сярод палестынскага мірнага насельніцтва ва ўмовах вайсковай аперацыі Ізраіля ў Газе. Арганізацыя заявіла, што спрабуе забяспечыць гуманітарнай дапамогай прыкладна 1,7 мільёнаў палестынцаў — амаль тры чвэрці насельніцтва ўсёй Газы.
Агенцтва Бі-бі-сі падкрэслівае, што БАДАР з'яўляецца найбуйнейшай установай ААН у Газе. Яна дае медыкаменты, адукацыю і іншую гуманітарную дапамогу палестынцам у Газе, на Заходнім беразе ракі Іардан, а таксама ў Іарданіі, Ліване і Сірыі.
Офіс БАДАР у Газе налічвае каля 13 000 супрацоўнікаў.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары