Вячорка: Заклік Ціханоўскай садзейнічаў хвалі салідарнасці для вызвалення гурта «Бі-2»
Прэс-служба дэмлідара адзначае, што заклік Ціханоўскай не дапусціць дэпартацыі «Бі-2» у Расію цытавалі міжнародныя і тайландскія СМІ.
Святлана Ціханоўская была адным з першых палітыкаў, якія звярнулі ўвагу на сітуацыю вакол гурта беларускага паходжання «Бі-2» у Тайландзе, яна публічна і непублічна заклікала да вызвалення музыкаў. Пра гэта паведаміў «Позірку» галоўны дарадца дэмакратычнага лідара Франак Вячорка.
Паводле яго слоў, дзякуючы ў тым ліку Ціханоўскай удалося запусціць хвалю салідарнасці для вызвалення артыстаў, офіс быў на сувязі з дыпламатамі шэрагу краін. «Цяпер музыканты ў Тэль-Авіве, мы ўсе вельмі рады іх вызваленню», — сказаў Вячорка.
Прэс-служба дэмлідара адзначае, што заклік Ціханоўскай не дапусціць дэпартацыі «Бі-2» у Расію цытавалі міжнародныя і тайландскія СМІ.
24 студзеня семярых музыкаў «Бі-2» затрымалі ў Тайландзе на востраве Пхукет пасля канцэрта. Прычынай стаў няправільны тып віз, па якіх група заехала ў краіну: турыстычная, а не працоўная. Артыстаў змясцілі ў цэнтр утрымання міграцыйнай паліцыі вострава Пхукет. Арганізатар гастроляў — кампанія VPI Event Co., Ltd — прызнаў памылку.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары