Баскетбалісты «Мінска» ўмудрыліся прайграць усе 26 матчаў з 26. Гэта антырэкорд
У апошнім паядынку першага этапу турніру Адзіная ліга ВТБ яны разгромна ў гасцях саступілі саратаўскаму «Аўтадору» з розніцай у 42 ачкі: 63:105.
Для параўнання: у «Мінска» 26 паразаў у 26 гульнях і, натуральна, апошняе 14-е месца. У «Ніжняга Ноўгарада», што на 13-е месцы, — 7 перамогаў.
У беларускага клуба самая малая колькасць набраных ачкоў і, адпаведна, самая вялікая колькасць прайграных: 1818 — 2334.
На другім этапе каманды, што занялі месцы з 7 па 14-е, згуляюць у два колы.
Адзіная ліга ВТБ — гэта фактычна Адкрыты чэмпіянат Расіі па баскетболе. Сёлета ў ім бяруць удзел 12 расійскіх дружынаў, а таксама «Мінск» і «Астана». У сезоне 2021—2022 яшчэ гулялі талінскі «Калеў» і польская «Зелена-Гура», якія пакінулі турнір пасля поўнамаштабнага ўварвання Расіі ва Украіну.
У гэтым турніры «Мінск» (раней «Цмокі») гуляюць з сезона 2010/11 і яшчэ ні разу не траплялі ў плэй-оф (васьмёрку наймацнейшых). У мінулым сезоне клуб прайграў 29 з 32 матчаў і фінішаваў апошнім (адзін матч быў выйграны на першым этапе, а два на другім).
Здаецца, што беларускі баскетбол памёр некалькі гадоў таму.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары