З новага года ў 2—3 разы выраслі кошты беларускіх візаў для замежных грамадзян. Перш за ўсё для тых, хто атрымлівае візы ў аэрапортах.
З новага года ў 2—3 разы выраслі кошты беларускіх візаў для замежных грамадзян. Перш за ўсё для тых, хто атрымлівае візы ў аэрапортах.
У Консульскай управе МЗС Беларусі гэта патлумачылі ўводам у дзеянне дадаткаў да асобнай часткі Падатковага кодэксу Рэспублікі Беларусь.
Апрача таго з новага года аплата за візы пераведзеная з даляраў у еўра. Змененыя і тыпы віз — цяпер дзейнічае тры тыпы візаў: транзітная, кароткатэрміновая і доўгатэрміновая, падзела на турыстычныя і дзелавыя візы няма.
Як патлумачылі ў консульскім пункце ў Нацыянальным аэрапорце «Мінск»,
калі раней патэнцыйны турыст з Еўрасаюза, зацікаўлены прыехаць у Беларусь, мог атрымаць там аднаразовую кароткатэрміновую беларускую візу за 60 даляраў, то цяпер — за 180 еўра. Доўгатэрміновыя візы для грамадзян Еўрасаюза і ЗША каштуюць больш за 200 еўра.
«У іх ёсць выбар: або браць візу ў пасольстве Беларусі ў сваёй краіне за 60 еўра, або ў аэрапорце за 180 еўра.
Фактычна яны плацяць за тэрміновасць паслугі»,‑‑ патлумачылі ў консульскай управе МЗС Беларусі. Вырас кошт візавых паслуг і пры афармленьні ў пасольствах, але не так кардынальна.
У консульскім пункце аэрапорта «Мінск‑2» зазначылі, што замежныя грамадзяне плацяць і па новых тарыфах, і ніхто пакуль не адмаўляўся.
Але ў турфірмах кажуць, што
замежнікі пачынаюць адмаўляцца ад паездак у Беларусь, бо тут адны з самых дарагіх візаў у cвеце.
Беларускія ўлады штогод прымаюць праграмы прыцягнення замежных турыстаў у краіну, але пакуль гэтыя праграмы не дзейнічаюць, у тым ліку і з‑за дарагоўлі і складанасці візавых працэдур.
Лік замежных грамадзян, якія купляюць турыстычныя прадукты ў Беларусі, складае каля 50 тысяч на год.
Амаль 5 гадоў таму зь ініцыятывы прэзыдэнта Віктара Юшчанкі Украіна скасавала візавы рэжым з краінамі Захаду, і цяпер туды прыяжджаюць мільёны заходніх турыстаў. Паводле Віктара Юшчанкі — да 25 мільёнаў на год.
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду2
Каментары