Паездка павінна была адбыцца 13-14 лютага, піша Challenges. Але прэзідэнт Францыі Эмануэль Макрон адклаў візіт ва Украіну.
Крыніцы адзначаюць, што Макрон спачатку павінен быў наведаць Адэсу, а потым адправіцца ў Кіеў. Прэзідэнт Францыі таксама павінен быў абвясціць аб стварэнні фонду ў 200 мільёнаў еўра, якія будуць выплачаны ў выглядзе ахвяраванняў на грамадзянскія праекты.
Акрамя таго, чакалася, што Макрон афіцыйна абвесціць аб прыходзе Французскага агенцтва развіцця (AFD) у якасці каардынатара французскай дапамогі Украіне.
У Елісейскім палацы заяўляюць, што візіт Макрона адкладзены з меркаванняў бяспекі.
Прэзідэнт Францыі Эмануэль Макрон наведаў Украіну летам 2022 года. Тады разам з ім у Кіеў прыехалі канцлер Германіі Олаф Шольц і былым прэмʼер-міністр Італіі Марыё Драгі.
Раней прэзідэнт Францыі заяўляў пра намер наведаць Украіну ў лютым. Падчас візіту планавалася падпісаць двухбаковае пагадненне аб гарантыях бяспекі паміж краінамі.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары