У Беларусі адзначылі гадавіну вываду савецкіх войскаў з Афганістана з «ражанымі» афганцамі ФОТАФАКТ
15 лютага споўнілася 35 гадоў з дня афіцыйнага заканчэння вываду савецкіх войскаў з Афганістана. Гэта вайна разам з іншымі фактарамі моцна падарвала жыццёвыя сілы Савецкага Саюза, які праз няпоўныя тры гады спыніў сваё існаванне.
Пэўны час у Беларусі ўвод войскаў у Афганістан лічыўся памылкай, а ветэраны той вайны — ахвярамі савецкага кіраўніцтва, кінутымі паміраць і забіваць самім у далёкую краіну дзеля не вельмі зразумелых мэтаў.
Але чым далей, тым больш пра гэтыя ахвяры забываліся, а ўдзел у афганскай вайне стаў у афіцыйнай прапагандзе набываць ролю гераічнага чыну. Пра яго сталі станоўча, як пра «інтэрнацыянальны доўг», зноў гаварыць і высокапастаўленыя вайсковыя чыноўнікі, і прапагандысты.
У такім рэчышчы было вытрыманае і сёлетняе адзначанне паўюбілейнай даты, якое праводзілася па ўсёй Беларусі. У некаторых гарадах гэта набывала характар нават касцюмаваных шоу, героямі якіх былі і «ражаныя» афганскія вайскоўцы розных палоў і ўзростаў.
Каментары
Пускай клованы также путина с лукой разоденут и отдадут им такую же честь.