Фота: Getty Images

Фота: Getty Images

Як піша The Wall Street Journal, кубінцы складаюць адзін з самых буйных кантынгентаў замежных добраахвотнікаў у шэрагах расійскага войска. Спецыяльны прадстаўнік Міністэрства замежных спраў Украіны ў Лацінскай Амерыцы Руслан Спірын, заявіў, што, як мяркуецца, на лініі фронту знаходзяцца каля 400 кубінцаў.

Іншыя лічаць, што лічбы нашмат большыя. Дэпутат Вярхоўнай рады Мар'ян Заблоцкі кажа, што ў расійскую армію трапілі ад 1500 да 3000 кубінцаў.

Па словах экспертаў па бяспецы, для ваенных вярбоўшчыкаў, якія працуюць на Расію, беднасць Кубы моцна палягчае працу. Пагаршэнне ўмоў жыцця і рост пачуцця безнадзейнасці сярод кубінцаў працаздольнага ўзросту выклікалі беспрэцэдэнтную хвалю эміграцыі.

Па даных амерыканскага ўрада, за апошнія два гады ў ЗША зʼехала больш за 500 тысяч кубінцаў, ці каля 5% насельніцтва краіны. На востраве ўсё часцей адчуваецца недахоп паліва, харчавання і медыкаментаў, нярэдкія перабоі з электрычнасцю.

Імкнучыся павялічыць колькасць салдат у сваёй арміі, Пуцін у студзені падпісаў указ, які дазваляе іншаземцам, якія служаць у расійскай арміі на працягу года, атрымаць расійскае грамадзянства для сябе, сваіх мужа і жонкі, дзяцей і бацькоў. А вярбоўшчыкі прапануюць кубінцам заробак у раёне 2000 долараў, што нашмат больш, чым яны маглі б зарабіць дома, дзе сярэдні месячны заробак складае менш за 20 долараў.

Raibel Palacio Райбель Паласио Райбель Паласіа

Кубінскі добраахвотнік Райбель Паласіа (Raibel Palacio) (чацвёрты злева) загінуў праз месяц пасля таго, як ў лістападзе 2023 года выляцеў у Расію. Скрын відэа: UnivisionMiami / YouTube

У верасні мінулага года кубінскі ўрад заявіў, што ліквідаваў сетку вярбоўкі, якая прапаноўвала кубінцам ваяваць ва Украіне. Камуністычны рэжым, які гістарычна баіцца ўварвання ЗША, забараняе вярбоўку наймітаў. Пракуроры заявілі, што затрымалі 17 чалавек, якім пагражае турэмнае зняволенне тэрмінам да 30 гадоў ці нават смяротнае пакаранне.

Украінскія чыноўнікі скептычна ацэньваюць наступствы расійскай вярбоўкі на Кубе.

«Некалькі сотняў кубінцаў нічога не зменяць на полі бою», — сказаў выданню адзін з высокапастаўленых прадстаўнікоў украінскай службы бяспекі, але пры гэтым дадаў, што мэта Масквы, хутчэй за ўсё, заключаецца ў тым, каб уцягнуць Кубу яшчэ глыбей у ваенны канфлікт на баку Расіі.

Чытайце яшчэ:

«Відавочны прыклад палітыкі імперыялізму і неакаланіялізму». Савет Рэспублікі заклікаў спыніць блакаду Кубы

Куба паведаміла пра арышт 17 чалавек па справе аб вярбоўцы на вайну ва Украіне

«Заканчваецца і Куба, якая супрацьстаяла ЗША». Куба выявіла расійскую сетку вярбоўкі сваіх грамадзян для вайны з Украінай і абурылася

Куба правяла пяціразовую дэвальвацыю

Клас
0
Панылы сорам
5
Ха-ха
5
Ого
0
Сумна
1
Абуральна
6

Хочаш падзяліцца важнай інфармацыяй ананімна і канфідэнцыйна?