Палкавы сцяг найбуйнейшай беларускай фармацыі ва Узброеных сілах Украіны — Палка Каліноўскага — разгарнуў у Радзе ўкраінскі дэпутат Ігар Гузь з калегамі. У фэйсбуку ён апублікаваў відэа.
«З пачатку поўнамаштабнага ўварвання Расіі воіны беларускага палка стаяць за Украіну. Яны прыехалі ва Украіну з Еўропы, каб ваяваць, абаранялі Кіеў, калі гэта было вельмі трэба, а цяпер яны знаходзяцца на ўсходнім фронце.
Кожны беларус, які мае зброю ў руках і змагаецца з расійскім акупантам, ведае, што без свабоднай Украіны не будзе свабоднай Беларусі.
Мы памятаем аб ахвярах. Гэта дзясяткі байцоў Палка Каліноўскага і беларусаў з іншых падраздзяленняў, якія загінулі на полі бою. Ніколі не забудзем.
Глыбока перакананы, што мы вельмі хутка з гэтым сцягам будзем у вольным Мінску і ў свабоднай Беларусі.
Слава Беларусі! Слава Украіне!» — напісаў Гузь.
Ігар Гузь быў удзельнікам акцыі «Чарнобыльскі шлях — 2005» у Мінску. Яго асудзілі на 10 сутак адміністратыўнага арышту, а потым дэпартавалі з Беларусі з забаронай на ўезд у краіну на 5 гадоў.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся28
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары