І абнавіў яшчэ адзін рэкорд.
У матчы Нацыянальнай баскетбольнай асацыяцыі (НБА) сёння раніцай «Сакрамэнта Кінгз» — «Філадэльфія Сіксерс» (108:96), адзін з лідараў «Сакрамэнта» Дамантас Сабоніс падчас матчу змог аформіць чарговы дабл-дабл у гэтым сезоне, які стаў для яго 54-м запар.
Дамантас зрабіў 13 падбораў і зрабіў 11 перадачаў (дабл-дабл).
Гэта новы рэкорд лігі пасля зліцця Амерыканскай і Нацыянальнай баскетбольных асацыяцый у 1976 годзе, піша Championat.com
Раней дасягненне належала цяжкаму форварду Кевіну Лаву, які, будучы гульцом «Мінесоты Тымбервулвз», у сезоне-2010/2011 аформіў 53 дабл-даблы запар. Трэці найлепшы паказчык належыць Мозесу Мэлоўну — 51 дабл-дабл запар у сезоне-1978/1979.
Таксама літовец набраў у матчы 11 балаў. Гэта яго 25-ы трыпл-дабл у сезоне-2023/24. Сабоніс стаў пятым баскетбалістам у гісторыі НБА, якому ўдалося аформіць 25 трыпл-даблаў за адзін сезон, адзначае «Спорт-Экспресс».
Да Сабоніса 25 або больш трыпл-даблаў за сезон у НБА рабілі Оскар Робертсан, Уілт Чэмберлен, Расэл Уэстбрук і Нікола Ёкіч.
Дамантас Сабоніс — сын легендарнага літоўскага баскетбаліста і гульца зборнай СССР Арвідаса Сабоніса.
Дамантас нарадзіўся ў ЗША ў 1996 годзе, дзе гуляў яго бацька. Сын гуляў за «Аклахому», «Індыяну Пэйсэрз» (2017—2022), з 2022 года гуляе за «Сакрамэнта Кінгз».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў5
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары