У Падмаскоўі напалі на дваіх паліцэйскіх, адзін з іх загінуў. Нападнікамі былі наркадылеры.
Падрабязнасці здарэння публікуюць расійскія тэлеграм-каналы.
Паліцэйскія прыбылі на затрыманне закладчыкаў у рамках спецаперацыі ў вёску Якімава ў Падмаскоўі. Яны лавілі буйнога збытчыка мефедрона. Падчас гэтага ўсё і адбылося. У сілавікоў стралялі з пісталета.
Забіты — 41-гадовы памочнік участковага Сяргей Яфіменка. У яго засталіся дзве дачкі. Паранены — 35-гадовы Рыгор Сяроў. Паліцэйскага даставілі ў бальніцу, ён у рэанімацыі.
Сяроў некалькі разоў страчваў прытомнасць. Ён здолеў апісаць прыкметы нападніка, на чым той з'ехаў, і заявіў, што траўмы яму былі нанесеныя цяжкім прадметам па галаве. У Сярова зафіксавана цяжкая ЧМТ, піша канал ВЧК-ОГПУ.
Нападнік змог уцячы з месца злачынства на матацыкле. У рэгіёне аб'явілі план «Сірэна».
Расійскі Следчы камітэт распачаў справу па факце замаху на жыццё супрацоўнікаў праваахоўных органаў (арт. 317 КК РФ).
Каментары