Здарэнні22

Жыхар Камянца перакрыў вуліцу калючым дротам, каб паскорыць рамонт дарогі

Дрэнны стан дарогі абярнуўся спрэчнымі захадамі, якія прыйшлося распачаць жыхару Камянца Андрэю для абароны свайго ўчастка ад падтаплення водамі.

Фота: kamenec.by

Дом, у якім ён жыве, размешчаны на скрыжаванні вуліц Сяргея Вірко і Меліяратараў, піша мясцовае выданне kamenec.by.

Гады паўтара таму тут выконваліся работы па будаўніцтве размеркавальнага газаправода да квартала індывідуальнай жылой забудовы ў Камароўшчыне, і дарогу пасля сябе падрадная арганізацыя пакінула ў самым непрывабным стане.

Андрэй Мікалаевіч паказвае фатаграфіі затопленага двара, гаража і хлявоў: усё ў вадзе па калена — пасля моцных дажджоў вада з вуліцы ішла ў двары. Потым паказвае перапіску з рознымі інстанцыямі: там праблему прызнаюць і абяцаюць выканаць рамонт дарогі, як толькі з'явіцца магчымасць. Але час ідзе, а магчымасці ўсё не з'яўляюцца.

Фота: kamenec.by

Урэшце, каб засцерагчы сябе ад затаплення, чалавек за свае сродкі завёз, паводле яго слоў, 180 тон пяску, падняўшы такім чынам частку вуліцы, якая непасрэдна прымыкае да яго ўчастку. Пасярэдзіне вуліца па-ранейшаму не праезжая.

Натуральна, што машыны ў бок Камароўшчыны і назад пачалі ездзіць менавіта па гэтым сухім баку, разбіваючы і яе, што па зразумелых прычынах жыхароў дома не задавальняе.

Між тым участак вуліцы, пра які ідзе гаворка, знаходзіцца ў такім стане, што Камянецкая ЖКГ па ўзгадненні з ДАІ вырашыла наогул на час закрыць яго для руху. Каля двух месяцаў таму з абодвух бакоў яго перакрылі турнікетамі і ўсталявалі «цагліну» — знак, што праезд забаронены. Людзі маглі праходзіць, ровары таксама. Але потым, распавядае Андрэй, хтосьці перасунуў турнікет, і машыны зноў пайшлі напрасткі, бо аб'язджаць за квартал камусьці здалося далёка. А літаральна на днях хтосьці наогул перакуліў ўсю канструкцыю.

Фота: kamenec.by

Тады Андрэй перакрыў дарогу з дапамогай калючага дроту, павесіўшы яшчэ і самаробны плакат, папераджальны: аварыйна-небяспечны ўчастак, праход і праезд забаронены. Чым выклікаў зразумелую незадаволенасць у тых, хто прывык тут хадзіць.

Калі журналісты пад'ехалі, ля гэтага дроту стаялі дзве маладыя жанчыны і вельмі абураліся. Там, на Камароўшчыне, у кагосьці з іх будуецца дом, і жанчына з дзіцем часта ходзіць туды пешшу. Цяпер што, абыходзіць трэба за цэлы квартал? У выніку прыехала міліцыя і дала Андрэю строгае ўказанне: дрот зняць і праход для людзей і ровараў адкрыць.

Праблему абяцаюць вырашыць у самы бліжэйшы час.

Каментары2

  • Зорро
    16.04.2024
    Стукач
  • Максим Дизайнер
    16.04.2024
    [Рэд. выдалена]

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць