Маці забрала дзвюх сямігадовых дачок з прытулка ў Мінску. Іх шукае міліцыя
Адшукваецца Кацярына Мікалаеўна Мельнікава з дочкамі Марыяй і Сафіяй.
19 красавіка каля 18:00 дзяўчынкі выйшлі з маці з сацыяльна-педагагічнага цэнтра з прытулкам Заводскага раёна Мінска на прагулку і пайшлі ў невядомым напрамку, паведамляе тэлеграм-канал «Міліцыя Мінска».
Абедзвюм дзяўчынкам на выгляд 7 гадоў, рост 140 см, сярэдняга целаскладу, валасы цёмна-русыя.
Марыя была апранута: шэра-блакітная шапка, светла-карычневая куртка, цёмныя штаны, блакітныя красоўкі.
Сафія: шэра-блакітная шапка, светла-карычневая куртка, светлыя штаны, чорныя красоўкі.
Асобая прыкмета: у Марыі шнар на левай шчацэ.
Прыкметы мамы: на выгляд 40 гадоў, светла-русыя валасы, сярэдняга целаскладу.
Калі вам вядома месцазнаходжанне, міліцыя просіць паведаміць у Заводскае РУУС Мінска:
- +375297121919;
- +375291695962;
- 102.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары