Хакеры ўзламалі базу з асабістымі звесткамі вайскоўцаў і супрацоўнікаў брытанскага Міністэрства абароны. Паводле неафіцыйных звестак, у аўторак урад праінфармуе аб гэтым здарэнні дэпутатаў парламента, піша Бі-бі-сі.
Пакуль няма звестак, хто стаяў за ўзломам. Sky News сцвярджае, што, хоць урад не стане называць канкрэтную краіну, паводле яго інфармацыі, гэтыя хакеры звязаныя з уладамі Кітая.
Хакеры атрымалі доступ да сістэмы, у якой захоўваюцца зарплатныя ведамасці і нумары банкаўскіх рахункаў вайскоўцаў.
У невялікай колькасці выпадкаў гаворка можа ісці і пра хатнія адрасы.
Ва ўзламанай сістэме, якую ўтрымлівае знешні падрадчык Міністэрства, змяшчалася асабістая інфармацыя цяперашніх і былых служачых арміі, флоту і паветраных сіл Брытаніі ў форме дакументаў, якія падаюцца ў падатковую службу.
Паколькі гаворка ідзе пра ўзлом камп'ютараў вонкавага падрадчыка, то доступу да аператыўнай інфармацыі Міністэрства абароны хакеры не атрымалі.
Міністэрства, выявіўшы ўзлом, неадкладна прыняло меры і адключыла сістэму ад знешняга доступу.
Малады работнік «Мінск-Арэны» павінен заплаціць 71 мільён даляраў4
Каментары