Касманаўтка Марына Васілеўская перадала Лукашэнку сцяг, які пабываў у космасе
І прынесла прысягу на вернасць дзяржаўным сімвалам.
Першая беларуская касманаўтка Марына Васілеўская перадала Аляксандру Лукашэнку дзяржаўны сцяг, які наведаў Міжнародную касмічную станцыю. Цырымонія адбылася падчас урачыстага рытуалу ўшанавання дзяржаўных сімвалаў, паведамляе БелТА.
Сёння, у другую нядзелю мая, у Беларусі адзначаецца Дзень дзяржаўнага сцяга, герба і гімна. Гэтае свята прымеркавана да праведзенага 14 мая 1995 года Лукашэнкам рэферэндуму, паводле вынікаў якога бела-чырвона-белы сцяг і герб «Пагоня» былі замененыя на ранейшыя сімвалы савецкай Беларусі.
Марына Васілеўская разам з прадстаўнікамі моладзі прынесла прысягу на вернасць дзяржаўным сімвалам. Пасля гэтага вайсковыя роты ганаровай варты ўручылі ёй сцяг, а Васілеўская паднесла яго Лукашэнку. Цяпер сцяг будзе захоўвацца ў Палацы Незалежнасці.
«Сённяшняя сімволіка не толькі аб’ядноўвае, але і выступае крыніцай упэўненасці і ўнутранай сілы. Наш герб, сцяг і гімн, як і ўся палітыка, натхнёныя ідэямі нацыянальнай годнасці і сапраўднай дэмакратыі», — заявіў Лукашэнка ў час мерапрыемства.
Каментары
рпурныя?