Вызначыліся патэнцыйныя супернікі беларускіх клубаў у другім раўндзе еўракубкаў
Мінскае «Дынама» ў выпадку перамогі над армянскім «Пюнікам» у 2-м раўндзе кваліфікацыі Лігі чэмпіёнаў сустрэнецца з пераможцам пары «Лудагорац» — «Дынама» Батумі.
У Ньёне (Швейцарыя) адбылося лёсаванне 2-га кваліфікацыйнага раўнда Лігі чэмпіёнаў.
Па яго выніках вызначыліся, з кім можа сустрэцца мінскае «Дынама», калі яму ўдасца пераадолець першы раўнд кваліфікацыі.
Калі мінчукі перамогуць «Пюнік», то ў другім раўндзе кваліфікацыі яны згуляюць з пераможцам пары «Лудагорац» (Балгарыя) — «Дынама» Батумі.
Матчы 1-га раўнда пройдуць 9-10 і 16-17 ліпеня, другога раўнда — 23-24 і 30-31 ліпеня.
«Лудагорац» з Разграда — нязменны чэмпіён Балгарыі з 2013 года, раней быў заўсёднікам групавога раўнда Лігі чэмпіёнаў, але апошні раз гуляў там у сезоне 2016-2017.
У мінулым сезоне гуляў у групавым раундзе Лігі канферэнцый, у групе з «Фенербахчэ». «Норшэланам» і «Спартаком» Трнава заняў другое месца, аднак вылецеў 1/16 фіналу, прайграўшы швейцарскаму «Сервету» (0:0, 0:1).
А «Дынама» Батумі вылецела ў мінулым годзе ў першым раундзе кваліфікацыі Лігі канферэнцый, прайграўшы албанскай «Тыране».
У выпадку паражэння ад «Пюніка» ў 1-м кваліфікацыйным раундзе Лігі чэмпіёнаў мінскае «Дынама» сустрэнецца ў 2-м кваліфікацыйным раундзе Лігі канферэнцый з камандай, якая прайграе ў пары той жа стадыі «Слован» (Славакія) — «Струга» (Паўночная Македонія).
«Нёман», які стартуе з другога раўнду, згуляе з румынскім «Клужам».
Пераможца пары «Іслач» — «Ля Фіярыта» (Сан-Марына) згуляе з турэцкім «Істанбул Башакшехір».
А пераможца пары «Тарпеда-БелАЗ» — «Мілсамі» (Малдова) згуляе супраць «Астаны» (Казахстан).
Матчы пройдуць 25 ліпеня — 1 жніўня.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс26
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1919
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі19
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары