Лукашэнка памяняў начальніка тэрытарыяльнай абароны і павялічыў колькасць генералаў
Лукашэнка сёння падпісаў указы, якімі зрабіў перастаноўкі ў камандаванні арміі і прысвоіў генеральскія званні ранейшым палкоўнікам.
![](http://nnexpictures.fra1.digitaloceanspaces.com/img/w732d4webp1/photos/z_2024_06/b4-9mdwu.jpg.webp)
Палкоўнік Дзмітрый Страшынскі вызвалены ад пасады начальніка ўпраўлення тэрытарыяльнай абароны — намесніка начальніка Генеральнага штаба Узброеных Сіл Рэспублікі Беларусь. Замест яго на гэтую пасаду прызначаны палкоўнік Андрэй Краўчанка.
Але Дзмітрыю Страшынскаму далі новую пасаду: ён прызначаны начальнікам Галоўнай вайсковай інспекцыі Узброеных сіл Рэспублікі Беларусь.
Таксама Лукашэнка зрабіў генерал-маёрамі ранейшых палкоўнікаў Аляксандра Быкава, Ігара Казлова, Вадзіма Сурава і Руслана Чэхава. Ранейшы палкоўнік унутранай службы Сяргей Салановіч стаў генерал-маёрам унутранай службы, палкоўнік юстыцыі Аляксей Аляшкевіч — генерал-маёрам юстыцыі, а начальніку Гомельскай мытні Андрэю Місючэнку прысвоена персанальнае званне дзяржаўнага саветніка мытнай службы III рангу.
Каментары
Метр с фуражкой в прыжке!....
Ненуачо, папа - енерал-лейтенант!