Іх затрымалі падчас аблавы ў лютым.
Суд Цэнтральнага раёна Мінска 27 чэрвеня пачне разглядаць крымінальную справу ў дачыненні мінскіх архітэктараў, якіх сілавікі затрымалі падчас аблавы ў лютым. Інфармацыя аб гэтым зʼявілася ў раскладзе судовых пасяджэнняў, піша Радыё Свабода.
Рамана Забелу, Іллю Палонскага, Тацяну Палонскую і Дар’ю Мандзік абвінавачваюць паводле ч. 1 арт. 342 Крымінальнага кодэксу («арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх»).
Усіх чатырох раней прызналі палітычнымі вязнямі.
Максімальнае пакаранне паводле артыкула — да 4 гадоў пазбаўлення волі.
Судзіць архітэктараў будзе Вікторыя Шабуня, даўно вядомая сваімі палітычна матываванымі прысудамі, удзелам у расправе з іншадумцамі.
У лютым сілавікі затрымалі каля 40 архітэктараў і праектантаў, а таксама іх сваякоў, агулам каля 70 чалавек.
Некаторых адпусцілі, некаторых пакаралі арыштам, чатыры чалавекі трапілі пад крымінальны пераслед. Падставай для затрымання, пэўна, стаў фотаздымак з маршаў пратэстаў у 2020 годзе. Тады архітэктары і праектанты ішлі па Менску асобнай калонай.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
стужка ўправа не гартаецца.
Іншыя артыкулы зьнізу не адкрываюцца
Таму каментуючы што магу)))