Паразумецца з праваўладальнікамі серыі кніг Джаан Роўлінг пра Гары Потэра не ўдалося, праз тое, што Беларусь знаходзіцца пад міжнароднымі санкцыямі, піша Bellit.info
«Гары Потэра не будзе. Мы не знайшлі ўзаемапаразумення з праваўладальнікамі. Яны не хочуць звязвацца ні з чым беларускім, пакуль Беларусь пад санкцыямі. Усе нашы тлумачэнні, што мы зараз пад польскай юрысдыкцыяй, не далі выніку, мы зрабілі што маглі. Мы ацэньваем тое, што адбылося, як акт дыскрымінацыі нацыянальнай культуры. І гэта адбываецца ў Еўропе… — тлумачаць у выдавецтве «Янушкевіч»,
— Лічым, што нашым палітыкам і культурным дыпламатам і не толькі ёсць дзе разгарнуцца. Гэта важная, надзённая і канкрэтная праблема. А канкрэтнай праблеме патрэбна канкрэтнае рашэнне».
Сярод поспехаў называецца адкрыццё наноў кнігарні «Кнігаўка», з’яўленне кніг выдавецтва ў продажы на Amazon, выданне за 6 месяцаў дзесяці новых кніг. Але нягледзячы на пазітыўныя вынікі выдавецтва сутыкаецца з недахопам дадатковых інвестыцый.
«Мы ўперліся ў столь і сутыкнуліся з праблемай росту. Аб’ёмы продажаў не такія вялікія, каб па-нармальнаму, ужо зараз, заняцца пашырэннем асартыменту. 10 выданняў за паўгода — гэта мала».
Як адзін з варыянтаў рашэнняў выдавецтва «Янушкевіч» адкрывае збор сродкаў на польскай краўд-платформе Zrzutka.pl і на Patreon. Кожны, нават невялікі ўнёсак будзе набліжаць час з’яўлення новых кніг. А пра планы выдавецтва можна дазнацца па спасылках на платформы.
Цяпер чытаюць
Марата Маркава перасунулі з пасады міністра інфармацыі ў міністры культуры29
Каментары