«Гэта была просьба прэзідэнта Расіі». Лукашэнка раскрыў падрабязнасці абмену Міколы Швеца — дыверсанта з Мачулішчаў
Лукашэнка падчас выступлення на ўрачыстым сходзе, прысвечаным 3 ліпеня, раскрыў падрабязнасці нядаўняга абмену ўкраінца Міколы Швеца, які абвінавачваўся ў выкананні дыверсіі супраць расійскага самалёта А-50 у Мачулішчах.
Напачатку Лукашэнка, як часта робіць, паспрабаваў усяляк маргіналізаваць значэнне гэтага абмену. Ён прыкінуўся, што нібыта ён пры сваім працоўным графіку нават не надаваў гэтаму ўсяму ўвагі, і «нават неяк не звярнуў увагу ў сацыяльных сетках» на гэта пытанне. Маўляў, звычайная праца, «ідзе складана, цяжка, але ўсялякае бывае. Людзі трапляюць і там у палон, і тут. У расіян на парадак больш палонных. Ва Украіны значна менш».
І толькі пасля таго нарэшце выклаў сваю інтэрпрэтацыю таго, што адбылося:
«Але калі б нашы збеглыя (вось звярніце ўвагу) не заўважылі, што «знік» чалавек, Швец, які спрабаваў падарваць расійскі разведвальны самалёт у Мачулішчах. Памятаеце. На працягу двух дзён, правёўшы аперацыю, мы «нейтралізавалі» яго і яго саўдзельнікаў. «Прапаў». Натуральна, яны яго знайшлі ва Украіне: «Ах, абмянялі! Як так абмянялі?»
Дык вы радуйцеся, што ваш чалавек сёння ва Украіне. Я не ведаю, вольны, не вольны … напэўна, вольны. Бацькі яго, дыверсанта, сустрэлі. Усё было проста. Ніякія святары ў гэтым не ўдзельнічалі.
Гэта была просьба прэзідэнта Расіі: калі ёсць магчымасць, дапамагчы вызваліць вядомага святара Іанафана. Украінцы да нас з гэтай просьбай звярнуліся. Я Пуціну кажу: «Што будзем рабіць? Ваша рашэнне?» Таму мы гэтага чалавека аддалі ва Украіну, яны нам аддалі святара», — раскрыў падрабязнасці Лукашэнка.
Тым самым Лукашэнка пацвердзіў версію, што Міколу Швеца абмянялі на мітрапаліта Тульчынскага і Брацлаўскага УПЦ Маскоўскага патрыярхата Іянафана (Анатоля Ялецкіх). 23 чэрвеня ён нечакана з'явіўся на набажэнстве напярэдадні свята Святога Духа ў Мінску ў Свята-Духавым кафедральным саборы разам з беларускім экзархам Веніямінам.
Мітрапаліт Тульчынскі і Брацлаўскі Іянафан з Украінскай праваслаўнай царквы Маскоўскага патрыярхату быў асуджаны ў Вінніцы ва Украіне ў жніўні 2023-га за апраўданне расійскай агрэсіі на пяць гадоў зняволення. Паводле версіі следства, ён распаўсюджваў сярод вернікаў прарасійскія ўлёткі і размясціў на сайце епархіі артыкул, у якім заяўляў пра вяршэнства Маскоўскага патрыярхату.
Як Украіна вызваляе з Беларусі сваіх. Тлумачэнне ўкраінскага эксперта
Сталі вядомыя абставіны вызвалення з беларускіх турмаў грамадзян Украіны
Як вызваленых з палону ў Беларусі і Расіі сустракалі ў кіеўскім аэрапорце ВІДЭА
Што вядома пра зняволеных у Беларусі грамадзян Украіны, якія нечакана здабылі волю?
Украіна вярнула пяць сваіх палітвязняў з Беларусі. І нават Міколу Швеца, дыверсанта з Мачулішчаў
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары