Тальк афіцыйна аднесены да рэчываў, якія «верагодна, выклікаюць рак». Такое рашэнне прыняла Сусветная арганізацыя аховы здароўя на падставе вынікаў даследавання Міжнароднага агенцтва па вывучэнні раку (МАВР).
У адносінах да людзей прычынна-выніковая сувязь паміж талькам і ракам не была даказаная. Але пры доследах на пацуках былі атрыманыя «дастатковыя доказы», што тальк можа выклікаць рак яечнікаў. А даследаванні на клетках паказалі «пераканаўчыя доказы», гаворыцца ў прэс-рэлізе СААЗ.
Таму СААЗ прыняла рашэнне аднесці тальк да канцэрагенаў і прызнала, што ў пэўных умовах ён можа павышаць рызыку анкалагічных захворванняў.
Эксперты не змаглі выключыць верагоднасць памылак, звязаных з магчымым забруджваннем тальку азбестам. Але ў дакуменце адзначаецца, што рабочая група «выкарыстала толькі тыя даследаванні, у якіх забруджванне тальку азбестам было вельмі малаверагодным».
Тальк — гэта прыродны мінерал. Ён да гэтага часу шырока выкарыстоўваецца ў многіх краінах у дзіцячых прысыпках і ў некаторай касметыцы.
У 2023 годзе на фоне серыі скандалаў з захворваннямі на рак яечнікаў кампанія Johnson & Johnson спыніла выпускаць дзіцячую прысыпку на аснове тальку і заплаціла мільярды даляраў, каб урэгуляваць судовыя пазовы.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі9
Каментары