Грамадства66

Чарга ў Польшчу амаль знікла, але людзі ўсё адно стаяць па 10 гадзін. Як так?

Чэргі на пункце пропуску «Брэст» на мяжы з Польшчай істотна скараціліся. На працягу суботы, 6 ліпеня, выезду з Беларусі чакалі 50-60 легкавікоў. Гэта ў разы менш, чым яшчэ некалькі тыдняў таму, калі ў чаргу часам выстройвалася аж да 500 аўто.

Карыстальнікі памежных чатаў адзначаюць, што заехаць у зону чакання на мяжы можна адразу ж. Тым не менш агулам праходжанне мяжы ў бок Польшчы займае каля 9-10 гадзін. За кошт чаго набягае гэты час?

Каля трох гадзін даводзіцца прастойваць у зоне чакання. Наступныя тры гадзіны займае знаходжанне ў беларускім пункце пропуску. Каля гадзіны кіроўцы стаяць на мосце, і яшчэ тры гадзіны іх даглядаюць на польскім баку мяжы.

Вяртанне ў Беларусь на аўтамабілі займае яшчэ больш часу.

Зоны чакання з польскага боку няма, машыны стаяць проста ўздоўж трасы. Гэта чарга да шлагбаума складае прыблізна 3,5-4 км. Каб яе прайсці, даводзіцца патраціць каля 13-14 гадзін. Прычым пасажыры-валанцёры пастаянна змагаюцца з парушальнікамі, якія спрабуюць праскочыць на мяжу, не стоячы ў агульнай чарзе.

Само знаходжанне на памежных пунктах займае яшчэ 5-7 гадзін — у залежнасці ад выбару чырвонага ці зялёнага канала.

Такім чынам, агулам праходжанне мяжы ў бок Беларусі займала ў суботу, 6 ліпеня, каля 18-20 гадзін.

Цікавасць да паездак у Польшчу стала спадаць пасля таго, як з’явіліся звесткі, што Польшча перастала афармляць VAT і выпускаць у Беларусь з шэрагам тавараў. 

Адбылося гэта ў сувязі з прыняццем новага пакета санкцый у дачыненні да Беларусі.

Каментары6

  • Žvir
    07.07.2024
    Heta ūžo štučnyja prabliemy, heta ūžo pamiežniki z mytnikami vypiendryvajucca.
  • Пасажыр-валантэр
    07.07.2024
    Я дабраахвотны памочнік міліцыі (памежніка), адно не бяруць мяне ў "сапраўдныя" пракрусты
  • Мяшэчнікі
    07.07.2024
    Дзякаваць Богу, далі рады нас пазбыцца! Цяпер можна і пільнасьць даглядаў палепшыць. Чаго сноўдаюцца на той бок, як не па закупы, мо палітыка ці шпігунства?!

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць