Ультраправы палітык перамог у першым туры перавыбараў у Румыніі. У яго ажно 41%
У Румыніі падлічылі 100% галасоў з участкаў унутры краіны па выніках першага тура прэзідэнцкіх выбараў. Лідар нацыяналістычнай партыі «Альянс за аб'яднанне Румыніі» Джорджэ Сіміён набірае 40,96%, следам ідзе мэр Бухарэста Нікушор Дан. Кандыдат ад кіруючай кааліцыі Крын Антанеску — трэці.
Сіміён — прыхільнік Дональда Трампа, а ягоная партыя, як піша Politico, пазіцыянуе сябе як «прахрысціянскую і прасямейную». Ён выступае супраць вайсковай дапамогі Украіне (пры гэтым асуджаючы Расію) і падтрымлівае Кэліна Джарджэску — кандыдата, якога абвінавачвалі ў сувязях з Расіяй і не дапусцілі да выбараў.
Сіміён набраў 40,96% галасоў і выйшаў у другі тур разам з мэрам Бухарэста Нікушорам Данам, які атрымаў 20,99%.
55-гадовы Дан — прымар, гэта значыць мэр сталіцы краіны, Бухарэста. Дан раней узначальваў ліберальны Саюз за ўратаванне Румыніі (СУР), аднак на выбары ідзе як незалежны і антымэйнстрымавы кандыдат.
Другі тур прэзідэнцкіх выбараў у Румыніі пройдзе 18 траўня.
-
Зяленскі: Танней не даць Расіі вырабляць ракеты, чым ратаваць энергасістэму Украіны
-
«ДНЖ — гэта прывілей, а не права». Новая кіраўніца Дэпартамента міграцыі Літвы адказала на пытанні, актуальныя і для беларусаў
-
Зяленскі ў Давосе: Калі б Еўропа дапамагла беларускаму народу ў 2020 годзе, то ў Беларусі сёння не было б «Арэшніка»
Каментары