Краінам ЕС прапануюць цалкам забараніць пастаўкі расійскага газу да канца 2027 года. Такая ініцыятыва ўтрымліваецца ў «дарожнай карце» еўракамісіі па адмове ад «блакітнага» паліва з Расіі, якая будзе прадстаўленая 6 траўня, распавялі Bloomberg дасведчаныя крыніцы.
Паводле іх словаў, забарона павінна закрануць як доўгатэрміновыя пагадненні, так і спотавыя кантракты, на якія прыпадае каля траціны імпарту расійскага газу. Пры гэтым для апошніх мера ўступіць у сілу не пазней за канец гэтага года.
Дакладныя тэрміны ўвядзення забароны будуць залежаць ад здольнасіці ЭС забяспечыць альтэрнатыўныя пастаўкі звадкаванага прыроднага газу (ЗПГ) з ЗША, Катара, Канады і Афрыкі, адзначылі суразмоўцы агенцтва.
Яны таксама дадалі, што планы па паступовай адмове ад газу з Расіі акажуць абмежаваны ўплыў на цэны і энергетычную бяспеку ЕС, улічваючы вялікія аб’ёмы ЗПГ ва ўсім свеце, якія павінны з'явіцца на рынку ў бліжэйшыя гады.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў3
Каментары
Adno smiešna, ciaham dziesiacihoddzia rabili durnoje, marnujučy hrošy i čas, pryviazvali siabie da rasiejskaha hazu (dziakuj Mierkieļ), kab ciapier cierpiačy nastupstvy, rabic` supracliehlaje.
Heta nie prykmieta daļnabačnasci i pasliadoūnasci eūrapiejskich elitaū u 2000-2020 hadach, durata (dy i chabar taksama) tam brali vierch.
Duraty i ciapier tam chapaje, asabliva ū dziejaņniach kiraūnictva Lietuvy, što da bielarusaū, durata i ciapier zastajecca ū trendzie, u jaje ciapier "vakno mahčymasciaū"(jak tam kažuc`...:)))