Колішняга пракурора Воранаўскага раёна судзяць за палітыку. Яму пагражае да 12 гадоў
У чым вінавацяць Віталя Саўко, незразумела, але абвінавачанні сур'ёзныя. Гэта можа быць як справа Чорнай кнігі Беларусі, рэгістрацыя ў плане «Перамога» ці адміністраванне тэлеграм-канала, гэтак і нешта іншае.
Імя Віталя Валер'евіча Саўко з'явілася ў раскладах судоў. З дапамогай праекта DIT мы знайшлі трох беларусаў з такімі імем, імем па бацьку і прозвішчам. Але падыходзіць з іх толькі адзін — колішні пракурор Воранаўскага раёна.
Пракурору Саўко 33 гады. Родам ён з горада Дзятлава Гродзенскай вобласці. Пасля ён паехаў вучыцца ў Гродна і працаваць у пракуратуру.
Ягоны бацька-нябожчык — Валерый Саўко, колішні дэпутат Палаты прадстаўнікоў (2016—2019) ад Шчучынскага раёна.
Узначальваў Гродзенскую абласную арганізацыю прафсаюза работнікаў дзяржаўных установаў, паспеў папрацаваць у адміністрацыі Лукашэнкі.
Саўко-старэйшы быў пад санкцыямі Еўрасаюза за ўдзел у фальсіфікацыі выбараў у 2010-м, калі ўзначальваў выбарчую камісію Гродзенскай вобласці. Ён памёр увосень 2020 года.
І ягоны сын Віталь Саўко даслужыўся да высокай пасады — у 2022—2023 гадах выконваў абавязкі пракурора Воранаўскага раёна, пасля працаваў старшым пракурорам у адным з аддзелаў пракуратуры Гродзенскай вобласці.
Мы не знайшлі сведчанняў таго, каб Саўко-малодшы на сваёй пасадзе быў датычны да рэпрэсій.
Віталь актыўна даваў інтэрв'ю дзяржаўным медыя. Апошняе выйшла ў ліпені 2023-га, хоць раней яны публікаваліся рэгулярна, раз на адзін-два месяцы. Або Саўко звольніўся, або быў затрыманы. Сацсеткі мужчыны выдаленыя.
Імя Віталя Валер'евіча Саўко з'явілася ў раскладзе судоў. Працэс ужо пачаўся ў Брэсцкім абласным судзе. Яго абвінавачваюць па трэцяй частцы артыкула 130 КК — «распальванне варожасці ці варажнечы».
Найбольшая са справаў на гэтым артыкуле — справа Чорнай кнігі Беларусі. Таксама па ёй судзілі адміністратараў тэлеграм-каналаў, журналістаў і праваабаронцаў ды некаторых былых сілавікоў, якія спачувалі пратэсту і рознымі шляхамі яму дапамагалі. Напрыклад, перадалі звесткі «экстрэмістам» пра розныя рэчы, датычныя службы.
Віталя судзіць Дзмітрый Карасінскі, колішні суддзя Столінскага раёна. Ён асудзіў ілюстратарку Наталлю Левую на шэсць гадоў калоніі, а таксама пасмяротна судзіў Аляксандра Кулініча, які памёр у калоніі.
Віталю Саўко пагражае ад 5 да 12 гадоў зняволення.
«Наша Нiва» — бастыён беларушчыны
ПАДТРЫМАЦЬПа справе ЧКБ затрымалі жыхара Гомеля. Вось як яго знайшлі
Распавядаем, якія даныя з ЧКБ маглі трапіць да сілавікоў, што рабіць, калі вы туды пісалі, і як гарантаваць бяспеку, калі пішаце ў боты
Супрацоўніца банка ВТБ з Жодзіна атрымала вялікі тэрмін па палітычнай справе. Дома яе чакае непаўналетні сын
Каментары