Кнігі гісторыка Ігара Мельнікава ўнесены ў рэспубліканскі спіс экстрэмісцкіх матэрыялаў, які вядзе Мінінфарм. Рашэнне аб прызнанні іх экстрэмісцкімі матэрыяламі прыняў суд Цэнтральнага раёна Мінска 23 жніўня, піша Reform.news.
У спіс унесены наступныя кніжныя выданні, «а таксама іх копіі альбо іншыя кніжныя выданні»:
Нічыпарук П.К., Мельнікаў I. B. Адысея палешука / Павел Нічыпарук, Ігар Мельнікаў. — Мінск: «Альфа-кніга», 2017. — 328 с.;
Мельнікаў, I. B. Забыты корпус: гісторыя польскага войска на тэрыторыі Бабруйшчыны ў 1918, 1919-1920 гадах / Ігар Мельнікаў — Мінск: «Альфа-кніга», 2018. — 224 с.;
Мельнікаў, I.B. На «мяжы цывілізацый». Старонкі гісторыі даваеннага савецка-польскага кардона ў Беларусі / Ігар Мельнікаў. — Мінск: «Альфа-кніга», 2020. — 352 с.
Нядаўна стала вядома, што Ігара Мельнікава пачнуць судзіць 10 верасня ў Мінгарсудзе. Яму выстаўлена абвінавачанне ў садзейнічанні экстрэмісцкай дзейнасці (ч.1 арт. 361-4 КК).
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя6
Каментары
Мабыць, тыя аўтары забароненых кніг, якія на свабодзе, падумалі б над тым, каб выкласці іх у свабодны доступ у электроннай форме.
Людзі будуць чытаць, і гэта бяспечней, чым захоўваць папяровы экзэмпляр (зразумела, файл чытаць з інтэрнэта або трымаць у архіваў з паролем і без сапраўднай назвы кнігі).