Паводле інфармацыі Следчага камітэта, раніцай 30 жніўня ў аграгарадку Гарадзец Кобрынскага раёна на тэрыторыі сельскагаспадарчага прадпрыемства падчас будаўніцтва сіласнай траншэі на 56-гадовага электрагазазваршчыка ўпалі бакавыя бетонныя пліты.
Ад атрыманых траўмаў мужчына памёр на месцы.
Кобрынскі раённы аддзел Следчага камітэта завёў крымінальную справу па ч. 2 арт. 303 Крымінальнага кодэкса Беларусі (парушэнне правілаў бяспекі горных або будаўнічых работ, што пацягнула па неасцярожнасці смерць чалавека).
Каментары