Яшчэ адзін беларускі праваслаўны святар прыняты ў клір Усяленскага патрыярхату
Архіепіскап Амерыкі Эльпідафор паведаміў пра рашэнне прыняць беларускага святара Пятра Пракапцова, які ў 2022 годзе мусіў пакінуць радзіму з-за палітычнага пераследу, у клір Грэчаскай праваслаўнай архіепіскапіі Амерыкі, піша «Хрысціянская візія».
Протаіерэй Пятро Пракапцоў — былы настаяцель прыходу храма Нараджэння Прасвятой Багародзіцы аграгарадка Прыбыткі Гомельскага раёна. Гэтая мясцовасць знаходзіцца ўсяго за 5 км ад аэрадрома ў Зябраўцы, які выкарыстоўваўся расійскімі войскамі для авіяўдараў па Украіне.
Да святара шмат разоў звярталіся расійскія вайскоўцы, дыслакаваныя ў раёне названага аэрадрома, з просьбай асвячаць баявую тэхніку. Але Пракапцоў катэгарычна адмаўляўся, а каб пазбегнуць ціску, часова выехаў у паломніцтва ў Свята-Духаў манастыр у Вільню. Гомельскі архіепіскап Стэфан (Нешчарэт) падчас гэтай паездкі пагражаў святару пазбаўленнем сану і тым самым вымусіў вярнуцца ў Гомель.
Адразу пасля вяртання Пятро Пракапцоў быў выкліканы на размову да архірэя. Пасля гэтай гутаркі яму патэлефанавалі з Гомельскага ўпраўлення КДБ, дзе правялі апытанне аб прычынах паездкі ў Літву, як рабіў візу, ці супрацоўнічае з «Хрысціянскай візіяй». Пасля таго святара прымусілі падпісаць дакумент, што ён папярэджаны аб недапушчальнасці супрацьпраўных дзеянняў, спансаванні тэрарыстычнай дзейнасці, перадачы звестак, якія ганяць палітычны лад і Лукашэнку, замежным СМІ, заклікаў да забастовак.
Баючыся далейшага ціску, Пракапцоў пасля таго быў вымушаны выехаць за мяжу. Архіепіскапам Стэфанам ён быў забаронены ў служэнні, але цяпер можа служыць ужо незалежна ад РПЦ.
Перад гэтым, у красавіку 2023 года, у юрысдыкцыю Усяленскага патрыярхату перайшлі беларускія святары Аляксандр Кухта і Георгій Рой, якія таксама пакінулі радзіму з прычын палітычнага пераследу і цяпер арганізуюць жыццё беларускага праваслаўнага прыходу ў Вільні.
У Вільні абстралялі вокны беларускай царквы
Беларускі праваслаўны прыход у Вільні пачаў рамонт, патрэбна дапамога
У Літве зацвердзілі незалежную ад Масквы праваслаўную царкву. Сярод святароў — двое беларусаў
Упершыню прайшло беларускае набажэнства ў юрысдыкцыі Канстанцінопальскага патрыярхата
Святар Георгій Рой — пра даносы на яго, малітвы за Расію, якія дасылалі зверху, надзеі на Сусветны патрыярхат і страх прывыкнуць да несвабоды
Вясковага праваслаўнага святара адхілілі ад служэння пасля паездкі ў Польшчу
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»4
Каментары