Заява расійскага прапагандыста Уладзіміра Салаўёва наконт ідэі прыбраць Пуціна з прэзідэнцкай пасады прагучала ў эфіры федэральнага тэлебачання.
UPD. Некаторыя расследавальнікі лічаць, што Салаўёў сказаў «стаўка», а не «адстаўка», маючы на ўвазе стварэнне Стаўкі галоўнакамандуючага, як у часы Другой сусветнай.
У вячэрнім эфіры на тэлеканале «Расія-1» за 22 верасня расійскі прапагандыст Уладзімір Салаўёў дапусціў магчымасць адпраўкі Уладзіміра Пуціна ў адстаўку дзеля паляпшэння абараназдольнасці Расіі і зніжэння ўзроўню карупцыі ў Мінабароны.
Па словах Салаўёва, у Расіі, нягледзячы на велізарнае ўліванне федэральных грошай, не будуюцца якасныя лініі абароны і належным чынам не рыхтуецца вайсковая лагістыка. Прапагандыст прапанаваў пасадзіць вінаватых у незалежнасці ад займаных імі пасад у розных міністэрствах і нават закрануў у сваёй гнеўнай рыторыцы Пуціна.
«Мала пасадзіць тых, хто правініўся. Трэба прызначыць на іх месцы тых, хто разумее, як дзейнічаць эфектыўна. Мне зусім не важна, якога колеру котка, галоўнае, каб яна лавіла мышэй. Таму давайце ўжо пераходзіць да канкрэтных рашэнняў, нават калі для гэтага спатрэбіцца адстаўка Вярхоўнага», — заявіў Салаўёў у эфіры «Расія-1».
У момант вымаўлення прапановы пра адстаўку Вярхоўнага (а ў Расіі Вярхоўны галоўнакамандуючы Узброенымі Сіламі гэта Пуцін) адзін з гасцей-спікераў праграмы Салаўёва гучна ахнуў. Прапагандыст адразу разгубіўся і адзначыў, што «падобныя прапановы яму не па заробку». Салаўёў пасля паспрабаваў загладзіць небяспечны момант і перавесці адказнасць за дрэнную абарону Расіі назад на дзяржструктуры.
Збянтэжыліся і астатнія госці праграмы, сярод якіх быў лукашэнкаўскі прапагандыст Вадзім Гігін. Усе выглядалі разгубленымі і ніяк не каментавалі заяву Салаўёва, дапускаючы няёмкае маўчанне ў зале.
Каментары
Слева вверху - глаза опустил: "Я не при чём, ничего не слышу, ничего не вижу".
Слева внизу улыбается: "Ничего себе Соловьёв выдал!"
Гигин - слева вверху - смотрит так, как будто увидел перед собой свою смерть.