Жыхара Пінска прысудзілі да трох гадоў за ўдзел у пратэстах і «дыскрэдытацыю»
Брэсцкі абласны суд разглядаў справу Вадзіма Наўцэні.
Яго абвінавачвалі па 5 розных артыкулах:
- ч. 1 арт.368 КК (абраза Лукашэнкі),
арт. 369-1 КК (дыскрэдытацыя Беларусі),
арт. 369 (абраза прадстаўніка ўлады),
ч. 1 арт. 130 КК (распальванне варожасці),
ч. 1 арт. 342 КК (Арганізацыя альбо актыўны ўдзел у групавым грубым парушэнні грамадскага парадку).
Напрыклад, артыкул 342 адносіўся Наўцэне за ўдзел у пратэстах, якія праходзілі ў Пінску з 9 на 10 жніўня 2020 года.
Акрамя таго, яго абвінавацілі ў напісанні ў 2022 годзе абразлівых Інтэрнэт-каментароў пра а.Лукашэнку, пра нейкую «службовую асобу, якая займае адказнае становішча», а таксама ў тым што ў 2022 годзе напісаў «распальваюць варожасць» каментары пра сілавікоў.
«Дыскрэдытацыя Беларусі» таксама здарылася ў інтэрнэце: у лістападзе 2022 года мужчына «размясціў негатыўны каментар, які фарміруе негатыўнае ўяўленне аб ваенным становішчы» ў Беларусі.
Сумарна па ўсіх артыкулах Наўцэню прысудзілі да трох гадоў калоніі агульнага рэжыму і штрафу памерам 200 базавых велічынь (8 000 рублёў), вынікае з таго ж паведамлення суда, піша «Брэсцкая вясна».
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары